文／Sūi-sū A-Koan
冰箱
屍體入--來，爭kah滇cha̍t-cha̍t
出--去，清kah空lang-lang
Î seng! Î sí!
Mài koh bē-hù （Microwave）
台灣燈仔花
Gâu 反變
Hō͘我一工26點鐘
電烘爐
你牽我去義大利耍
我chhōa你轉去台灣
做伙舌尖tam世界
Thé-mo͘h mih-suh (Thermomix)
武功高強kài天下
出名現代新科技
仙拚仙1隻檔25台
大同電鍋
泅水救命箍仔圓圓胖胖
嘴蓋開leh合leh，hiàm：
稞炊好ah chǎu-囝來食o͘h
台灣字（白話字）版
Chàu-kha 5 Pó
Peng-siuⁿ
Si-thé ji̍p--lâi, chiⁿ kah tīⁿ cha̍t-cha̍t
Chhut--khì, chheng kah khang-lang-lang
Î seng! Î sí!
Mài koh bē-hù
Tâi-oân teng-á-hoe
Gâu péng-pìⁿ
Hō͘ góa 1 kang 26 tiám-cheng
Tiān hang-lô͘
Lí khan góa khì It-tá-lih sńg
Góa chhōa lí tńg-khì Tâi-oân
Chò-hóe chi̍h-chiam tam sè-kài
Thé-mo͘h mih-suh
Bú-kong ko-kiông kài thian-hā
Chhut-miâ hiān-tāi sin kho-ki
Sian piàⁿ sian 1 chiah tòng 25 tâi
Tāi-tông tiān-ko
Siû-chúi kiù-miā kho͘-á îⁿ-îⁿ phàng-phàng
Chhùi-kòa khui--leh ha̍p--leh, hiàm:
Kóe chhoe hó ah cha-bó͘-kiáⁿ lâi chia̍h o͘h